لل کون رحمه انولد وال هل امم يـآمنه

بل افق نوره انتشر عيـد وفـرح يـآمنه

البحماه کلمن لجه امن الحاطمه يـآمنه

ابمولده اصنام ارکعت نيران فارس طفت

لبخلقه ماينـوجــد کل القطارإن طفت

علکون ياربّنـا ابمولـد الهادی ال طفت

امبارکه ابطاها النبی سيـد البشـر يآمنه

وحگ الساکن ارض النجف والطف

ابخلق طاها السعا ماوجـد والطف

مـن ابـمولـد المختـار  والطف

علينـه البـاری ابسيـد البـريـه   

 

يامنبـع الطيب يل بل وفـه  عادلک

من الرسل بلخلق لا ما احـد  عادلک

ربک ابحقک شهد چم منغبـه  عادلک

طاها اختمت للرسل مارسل بعـدک نبی

سرخالق الکون عندک سيدی اعظم  نبی

نهواک يل مصطفی الغيرک ابـد ما  نبی

معلوم حتمی ابسقرذاک الـذی عادلک

الآمن بيک خيراحنه نبيله

  يل معروف بخلاقک نبيله

بعدک يانبی الرحمه نبيله

ماارسل الباری الهل بريه

 

شمس النبوه اشرگت برض الحجاز ونجد

کون اعله نهج النبـی للحگ نسير ونجد

بلـروح نبذل يجـب للديـن حتماً نجد

حيث النبی امن انولد هليوم احسن وعد

بيـه ابتهج کون اله وکل بشر انشد   وعد

اهواه الهواه ابصدگ وابغض الضده وعد

من حيث يـوم الحشر غيـر النبی  مانجد 

بـزق نور النبی ابمکه ونجدهه

العداله عند نبی الرحمه نجدهه

ناس الـدخلت الدينـه نجدهه

وحما ها من جحـود الجـاهليه 

 

يامن ابشوگک سهر جفنی ليالی  وحی

ابعيدک يطه الگلب بلجای رحب وحی

وارض الاخوّه زهت بايـر البيهه  وحی

وتـزهی البوادی قدت انواع بيهه ورد

مسرور انـه ابمولدک سيدی رايح ورد

عونه الّی من کوثرک ورده يااحمد ورد

لان عن هوا منطقت قولک نزل من وحی

من طيبک يطيب طيب وردی

ومن منهل حنانک صار وردی

ينجم اسمای طه وعشگ وردی

ابحِياتی يمن بيک الحب سجيه