بسم الله الرحمن الرحیم  

                   

عـدنه اعتاب یل عندک لوا العبّاس یمته الّوا اتنشره  وبیدک اترفعه

  اومهر احسین عندک یصهل امن اسنین یمته اتلوح ظهره اباوّل الفزعه

اوذولفقّار حیــدر داحـی البیبان  مل قمده او یرید ابیمنتک لمعه

او درع حمزه الهجوم العندک الهل یوم یایوم الیجی وتتردن الدرعه

اودرگت علی الاکبروالرمح والطاس مذخورات الک من طفّو  الشمعه

عجب مـا نط عـرج قیضک التطلب ثـار ثـار البطفوف الرضّوالضّلعه

اوثـار الحسن والعبّـاس اخوزینب وعبدالله الرضیع وثـارها البضعه

الصّبـر منک تعلم صبـر یـامقوار اوطبع الصبـرمر وانته ادره ابطبعه

جـزه حـدّه صبـرنه یا ذخرعدنان ومن الخصم حگنه انریدک اترجعه

یمتـه اتلوح ظهر امطهّمک خیـّّال وحشد اهل الظلم یـاسیّدی اتردعه

وطاقی الـدنّس ارض اسلامنه یحتال یمته ابچف یمینک سیدی اتصفعه

لحیث اتعـده حدّه الخصم گام ایجول بارض الرافدین العارضه ایگطعه

او چتّـل من احیـود الزّلم کثـره اسباع اوودعنه الامان الیوم وانودعه

لان کلیوم واحد فاگد اهله انشوف و عله اخدود الیتامه ابدم جرت دمعه

او طقل الفاگد اهله و دمعه عل خدین  وانته ادره یحجه  ابحالته ووضعه

تعال وشوف حـال المسلم ابیـاحــال حتّی الجار صار ایغشّه ویخدعه

انّسه ابهـذه وکتنـه الامـر بلمعروف وعن المنکر الینهی اتخاصمه ربعه

اوغـزانـه ابکل قـواه الخصم وحنه انیام صح ناعم جلدهه تکتل الافعه

اوزرع قنبل تطوّروحنــه مشغولین ودمّــر لشبـاب الظّالم ابـزرعــــــــه

اوبعضها اتمکیجت والبست زی نسوان والنسوان بلاسواق تمشی امهدّله امفـرعه

النهه عـن هـل وضع وصفوه متحجّـرولا شـایف تطوّر گملتـه بگعـه

اذاهـذه التّطور نمشی عـریـانین سبگتنه الوحـوش البل فله الترعه

اوصارالحگ بطل والبطل حگ سوّوه الـرّشوه حللوهـه والقضا ابنفعه

اوبعض امن القضات الما قضت بلحگ مایصغی الفقیـر وللقوی ایسمعه

     دعجل بلظهور ادخیـل داحی الباب سننه اتغیـرت کلمن مشه ابشرعه         

 تمت بعئن الله تعالی 15/شعبان /1428 -11/5/1387

عبدالقادر الحاج حسن المزیدی (نادری)