بسم الله الرحمن الرحيم

 

صبــــرنه انتهه اوصبــــرك سيــدي شو ماجــزه حده

عجب سيفك  الحــــــداليـــــوم بعــــده امـدثــّرابغمده

تطلب ثــــــــــار يمتـــه اعله الظلم چـــاسيفك اتحـــدهّ

نسيــت الضّلع والطبــــره ونسيــت المـــــردوچبــــده

والــرضّواضلوعا حسين والعباس ذاك الّي اگطعو زنــده

اوثــارالبطفوف الطفل لوثـــــــارالمشت من بلـدت البلده

اوقبر العسكري وجدك ابسامره الخصم يبن الحسن هـدّه

اوبـارض الـــــرافـــدين ايجول جيش اعـــداك واتحـدّه

اوعلـي اخشــوم الــزلم يــاحيــف گام اليـــوم يتعـــدّه

اوحمـد بـارض النجف ينخــاك وبلحلّه انـدبــت حمـــده

المسلم فجّرو بيته الرهابيين لاهومن حلاله ولاهومن ولده

ابظهره انطعن من اگرب الناس ابخنجر المسموم واتــردّه

اوجرح ابن العراق الينزف امن اسنين محّد  عالجه ا وشدّه

محتار ابزمانـه ماعــرف يـاهو صديجـه ويــاهو البضدّه

الفقيـــر الظلم ضــرا الغـــوث ايصيح اوطايـــح  ابشـدّه

اويتيم الفاگد اهله بلفـرات اينوح دمعاتــه احــرگت خــدّه

اوحـره الهلهلت تنخاك حشـد الكفـر غيـرك محّـد ايــردّه

هانودينّه يبن الحسن مرّات من غيرك الينهض دينّه ايسندّه

اويـــــاهو الـــــي ابحماه انلوذ غيـــرك نـوگف ابسـدّه

يسبـاحـت املنه وامل كل مظلوم چـايمته الفـــرج وعــده

 

تمت بعون الله تعالي

( 15شعبان/ 1428 -7/6/86 عبدالقادر الحاج حسن المزيدي (نادري)